இந்தியாவில் இ-சிகரெட்டுகளுக்கு தடை விதிக்க மத்திய அமைச்சரவை ஒப்புதல் அளித்துள்ளதாக மத்திய நிதியமைச்சர் நிர்மலா சீதாராமன் தெரிவித்தார்.
இ-சிகரெட்டுகளால் அதிகமான பாதிப்பு ஏற்படுவதாக பல்வேறு குற்றச்சாட்டுக்கள் எழுந்தன. இந்நிலையில் இந்தியாவில் இ-சிகரெட்டுகளை தடை செய்ய வேண்டுமென்ற கோரிக்கையும் வலுத்து வந்தது. இந்நிலையில் இன்று நடந்த மத்திய அமைச்சரவை கூட்டத்தில் இது குறித்து விவாதிக்கப்பட்டு உடனடியாக அவசர சட்டம் மூலம் இ-சிகரெட்டை தடை செய்ய முடிவு செய்யப்பட்டது.மேலும் இதை உடனடியாக அமல்படுத்தவும் முடிவு செய்திருப்பதாக செய்தியாளர் சந்திப்பில் மத்திய நிதித்துறை அமைச்சரான நிர்மலா சீதாராமன் தெரிவித்தார்.
மேலும் இ-சிகரெட்டுகளை தயாரிப்பது , இறக்குமதி செய்வது , ஒரு இடத்தில் இருந்து இன்னொரு கொண்டு செல்வது ,விற்பனை செய்வது என எந்த நடவடிக்கையாக இருந்தாலும் அனைத்தும் தடை செய்யப்படுகிறது என அறிவித்திருக்கிறார். மேலும் இ-சிகரெட்டுக்கு விளம்பரம் கொடுப்பது கூட தடை செய்ய பட்டு இருக்கிறது.அமெரிக்காவில் இ-சிகரெட்டுகள் உபயோகம் காரணமாக உடல் நலக்கேடு அதிகமாகவும் , பல உயிரிழப்புகள் ஏற்பட்டு இருப்பதாகவும் தகவல்கள் வந்துகொண்டிருக்கின்றன. அந்த இப்படிப்பட்ட சூழ்நிலையில்தான் மத்திய அரசு இதை தடை செய்ய முடிந்திருக்கிறது என்று தெரிவித்தார்.