ஆயிரத்திற்கும் மேற்பட்ட வாழைகள் சூறாவளிக் காற்று மற்றும் பலத்த மழையினால் முறிந்து விழுந்து நாசமாகியுள்ளது.
ஈரோடு மாவட்டத்தில் உள்ள மல்லாநாயக்கனூர், உக்கிரம் ஆகிய பகுதிகளில் ஆயிரக்கணக்கான வாழை மரங்களை விவசாயிகள் சாகுபடி செய்துள்ளனர். இந்த வாழை மரங்கள் தற்போது அறுவடைக்கு தயார் நிலையில் இருந்தது. இந்த நிலையில் பலத்த மழையுடன் கூடிய சூறாவளி காற்று வீசியதால் பயிரிடப்பட்டிருந்த வாழைகள் முறிந்து விழுந்து நாசமாகியது.
இதுகுறித்து அப்பகுதி விவசாயிகள் கூறியதாவது “இந்த மழை மற்றும் சூறைக் காற்றினால் பயிரிடப்பட்டிருந்த வாழை மரங்கள் அனைத்தும் நாசமாகி எங்களுக்கு பெரும் நஷ்டம் ஏற்பட்டுள்ளது. எனவே சம்பந்தப்பட்ட அதிகாரிகள் இதைப் பார்வையிட்டு உரிய இழப்பீடு வழங்க நடவடிக்கை எடுக்க வேண்டும்” என வேண்டிக் கேட்டுக் கொண்டுள்ளனர்.