அரசு உயர்நிலைப் பள்ளியில் பாரதியாரின் நினைவு தினமானது அனுசரிக்கப்பட்டது.
அரியலூர் மாவட்டத்தில் சிறுவயலூர் என்ற கிராமம் அமைந்துள்ளது. இந்த கிராமத்தில் அரசு உயர்நிலை பள்ளி ஒன்று உள்ளது. இங்கு மகாகவி பாரதியாரின் நினைவு தினமானது தலைமை ஆசிரியர் சின்னத்துறை தலைமையில் நேற்று அனுசரிக்கப்பட்டது. இதில் மகாகவி பாரதியாரின் படத்திற்கு மாணவ மாணவிகள் மற்றும் ஆசிரியர்கள் என அனைவரும் மாலை அணிவித்து மலர் தூவி மரியாதை செலுத்தியுள்ளனர்.
அந்த சமயத்தில் பள்ளி தலைமை ஆசிரியர் உரையாற்றினார். அதில் அவர் கூறியதாவது “பாரதியாரின் பாடல்கள், கவிதைகள் மக்களிடையே விடுதலை உணர்வையும் சுதந்திர வேட்கையையும் தூண்டி உள்ளது. அவர் மறைந்தாலும் அவருடைய கவிதைகளும் பாடல்களும் கட்டுரைகளும் உலகம் உள்ளவரை உயிரோட்டமாக இருக்கும் என்பதை யாராலும் மறுக்க முடியாது” என்று கூறியுள்ளார்.