3 கரடிகள் தேயிலை தொழிற்சாலைக்குள் உலா வந்த சம்பவம் மக்களிடையே அச்சத்தை ஏற்படுத்தியுள்ளது.
நீலகிரி மாவட்டத்தில் உள்ள கோத்தகிரி மற்றும் அதனை சுற்றியுள்ள பகுதிகளில் கடந்த சில நாட்களாக கரடிகள் நடமாட்டம் அதிக அளவில் காணப்படுகிறது. இந்நிலையில் மீத்தேன் கிராமத்தில் இருக்கும் தேயிலை தொழிற்சாலைக்குள் நள்ளிரவு நேரத்தில் 3 கரடிகள் நுழைந்துவிட்டது. இந்த கரடிகள் அங்குமிங்கும் உலா வந்ததால் தொழிலாளர்கள் மிகவும் அச்சமடைந்தனர்.
இந்த கரடிகள் தொழிற்சாலைக்குள் நுழைந்து அங்குமிங்கும் உலா வந்த காட்சிகள் அங்கு பொருத்தப்பட்டிருந்த சிசிடிவி கேமராவில் பதிவாகி தற்போது சமூக வலைதளத்தில் வேகமாக பரவி வருகிறது. எனவே வனத்துறையினர் கண்காணிப்பு பணியில் ஈடுபட்டு கரடிகளை அடர்ந்த வனப்பகுதிக்குள் விரட்ட நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.