தமிழ் திரையுலகில் முன்னணி நடிகராக வலம் வருபவர் நடிகர் விஜய். இவரது படங்கள் எப்பொழுதும் வசூல் ரீதியாக மாபெரும் சாதனையை படைக்கும். அந்த வகையில் ஏப்ரல் 13ஆம் தேதி வெளியான பீஸ்ட் திரைப்படமும் அதிக வசூல் சாதனை செய்துள்ளதாக தகவல் வெளியாகியுள்ளது. விஜய் நடிப்பில் உருவான திரைப்படத்தை நெல்சன் திலீப்குமார் இயக்கியுள்ளார்.
இந்த படத்தில் பூஜா ஹெக்டே, செல்வராகவன், யோகி பாபு உள்ளிட்ட பலர் நடித்துள்ளனர். இந்த படத்திற்கு அனிருத் இசை அமைத்துள்ளார். இவரது இசையில் வெளிவந்த பாடல்கள் அனைத்தும் மாபெரும் வெற்றி பெற்றது. இந்நிலையில் விஜய்யின் பீஸ்ட் திரைப்படம் வெளியான இரண்டே நாளில் உலகமெங்கும் 100 கோடி வசூல் செய்து சாதனை படைத்துள்ளது. அடுத்த மூன்று நாட்கள் விடுமுறை என்பதால் வசூல் வேட்டை தொடரும் என்று எதிர்பார்க்கப்படுகிறது. மேலும் ஒரே நாளில் ‘2.o’, கபாலி என்று இரண்டு படங்களை அடுத்து சர்வதேச அளவில் அதிக வசூல் செய்த தமிழ் படம் என்ற சாதனையையும் படைத்துள்ளது.