இளைய தளபதி படத்தின் ஒப்பனிங் சாங்கிற்கு சாண்டி மாஸ்டர் நடனமைப்பாளராக தேர்வாகியுள்ளார்.
தமிழ் திரையுலகில் முன்னணி நடிகர்களில் ஒருவராக இருப்பவர் இளைய தளபதி விஜய். இவர் நெல்சன் திலீப் குமார் இயக்கத்தில் பீஸ்ட் என்ற திரைப்படத்தில் நடித்து வருகிறார். இப்படத்தின் பர்ஸ்ட் லுக் போஸ்டரானது விஜய்யின் பிறந்தநாள் அன்று வெளியிடப்பட்டு ரசிகர்களிடையே பெரும் வரவேற்பை பெற்றது. இதனையடுத்து பீஸ்ட் படத்தின் படப்பிடிப்பின்போது முன்னாள் இந்திய கிரிக்கெட் அணியின் கேப்டனான டோனி விஜயை சந்தித்துள்ளார்.
அந்த சந்திப்பின் போது விஜய் மற்றும் டோனி இருவரும் எடுத்துக் கொண்ட புகைப்படங்களானது வலைதளங்களில் வெளியாகி வைரலாகியது. இந்த நிலையில் இப்படத்தில் விஜய்யின் ஓப்பனிங் சாங் குறித்த தகவல்கள் இணையத்தில் வெளியாகியுள்ளது. மேலும் படத்தின் ஒப்பனிங் சாங்கிற்கு சாண்டி மாஸ்டர் நடனம் அமைக்க போவதாக தகவல்கள் வெளிவந்துள்ளது.