விஜய் டிவி சீரியல்களில் பிக் பாஸ் பிரபலங்கள் பங்கேற்றுள்ள புகைப்படம் தற்போது இணையத்தில் வைரலாகி வருகிறது.
அன்றாட வாழ்க்கையில் பலபேர் அவர்களது பொழுதுபோக்கை கழிப்பதற்காக சீரியல்களை பார்க்கின்றனர். அதன்படி விஜய் டிவியில் ஒளிபரப்பாகும் சீரியல்களுக்கு ஏராளமான ரசிகர்கள் உள்ளனர். தற்போது விஜய் டிவியில் ஒளிபரப்பாகிவரும் இரண்டு சீரியல்களை இணைத்து மகா சங்கமம் என்ற பெயரில் ஒளிபரப்பப்படுகிறது.
அதன்படி பாரதி கண்ணம்மா, ராஜா ராணி 2 ஆகிய இரண்டு சீரியல்களும் இணைக்கப்பட்டுள்ளது.இப்படி இணைக்கப்படும் போது நிகழ்ச்சியை சுவாரசிய படுத்துவதற்காக ஸ்பெஷல் செலிபிரிட்டிகளை சீரியல்களுக்கு வரவழைப்பார்கள். அதன்படி தொகுப்பாளினியும், பிக் பாஸ் நிகழ்ச்சியின் போட்டியாளருமான அர்ச்சனா இந்த மகா சங்கமத்தில் பங்கேற்றார்.
இந்நிலையில் பாரதிகண்ணம்மா சீரியலில் மாமியார் கதாபாத்திரத்தில் நடிக்கும் ரூபாஸ்ரீ அவரது இன்ஸ்டாகிராம் பக்கத்தில் ஒரு புகைப்படத்தை வெளியிட்டுள்ளார். அந்த புகைப்படத்தில் பாரதி கண்ணம்மா மற்றும் ராஜா ராணி 2 மெகா சங்கம சூட்டிங்கில் பிக் பாஸ் நிகழ்ச்சியின் பிரபலங்களான ரியோ,சம்யுக்தா,சோம் ஆகியோர் இடம்பெற்றுள்ளனர்.
இந்த புகைப்படத்தை பார்த்த ரசிகர்கள் அடுத்து வரும் எபிசோடுகளில் பாரதிகண்ணம்மா, ராஜா ராணி 2 மெகா சங்கமம் மிகவும் சுவாரஸ்யமாக இருக்கும் என்று எதிர்பார்க்கின்றனர்.