நடிகர் சமுத்திரகனிக்கு ஜோடியாக பிக்பாஸ் பிரபலம் நடித்துள்ள புதிய படம் குறித்த தகவல் வெளியாகியுள்ளது.
தமிழ் திரையுலகில் பிசியான நடிகராக வலம் வருபவர் சமுத்திரகனி. இவர் தற்போது ஆர்.ஆர்.ஆர், தலைவி, இந்தியன்2, எம்ஜிஆர் மகன், அந்தகன், ரைட்டர், டான் உள்ளிட்ட ஏராளமான படங்களை கைவசம் வைத்துள்ளார். இந்நிலையில் நடிகர் சமுத்திரக்கனி நடித்துள்ள புதிய படம் குறித்த தகவல் ஒன்று வெளியாகியுள்ளது.
அதன்படி ‘யாவரும் வல்லவரே’ என பெயரிடப்பட்டுள்ள இப்படத்தினை அறிமுக இயக்குனர் என் இராஜேந்திர சக்கரவர்த்தி இயக்கியிருக்கிறார். இப்படத்தில் சமுத்திரகனிக்கு ஜோடியாக பிக்பாஸ் பிரபலம் ரித்விகா நடித்துள்ளார். மேலும் நான் கடவுள் ராஜேந்திரன், யோகிபாபு, போஸ் வெங்கட், மயில்சாமி உள்ளிட்ட பலர் இப்படத்தில் முக்கிய கதாபாத்திரத்தில் நடித்துள்ளனர்.