#BIG BREAKING: செயற்பாட்டாளர் முகிலன் திருப்பதியில் கைது…!!

சமூக வலைத் தளங்களில் முகிலன் எங்கே என்ற ஹாஷ்டேக் மிகப் பெரிய அளவில் பேசுபொருளாக மாறியது. தமிழ்நாடு காவல்துறை அதிகாரி ஒருவர் முகிலன் இறந்துவிட்டதாக ஒரு பின்னூட்டம் இட்டு பின்பு அதனை நீக்கினார். இது பெரும் பரபரப்பை ஏற்படுத்தியது. முகிலனின் மனைவி முகிலனின் உயிருக்கு ஆபத்து ஏற்பட்டிருக்கலாம் எனவும் தெரிவித்தார்.

இந்நிலையில் 5 மாதங்களுக்குப் பிறகு, இன்று திருப்பதியில் வைத்து முகிலனை தமிழகக் காவல்துறையினர் கைது செய்துள்ளதாக தகவல்கள் வெளியாகியுள்ளன. மேலும் அவர் காவல்துறையினரின் பிடியில் இருக்கும் வீடியோ ஒன்றும் வெளியாகியுள்ளது.

அந்த வீடியோவில் அவர் தாடியுடன் கூடங்குளத்தில் அமைய உள்ள அணுக்கழிவு மையத்துக்கு எதிராக கோஷம் போடும் காட்சிகள் இடம்பெற்றுள்ளன. முகிலனின் உயிருக்கு ஆபத்து ஏற்பட்டிருக்கலாம் என்று கருதப்பட்ட நிலையிலும், தேர்தல் பிரச்சாரங்கள் தொடங்கி, தேர்தல் நடந்து முடிந்து மீண்டும் மோடி பிரதமராக பதவியேற்ற நிகழ்வுகள் முடிந்தநிலையில் முகிலன் 5 மாதங்களுக்குப் பிறகு கண்டுபிடிக்கப்பட்டுள்ளார்.