நாடு முழுவதும் கொரோனா இரண்டாவது அலையை கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை மேற்கொண்டு வருகின்றன. அதன் முக்கிய பகுதியாக ஊரடங்கு அமல் படுத்தப் படுவது மற்றும் தடுப்பூசி போடும் பணி தீவிரப்படுத்தப்பட்டுள்ளது. அதன் பலனாக பெரும்பாலான மாநிலங்களில் கொரோனா பாதிப்பு நாளுக்கு நாள் குறைந்து கொண்டே வருகிறது. அதனால் மக்கள் சற்று நிம்மதி அடைந்துள்ளனர்.
இந்நிலையில் இந்தியாவில் இதுவரை 230 வகையான வைரஸ் கண்டறியப்பட்டுள்ளதாக இன்சாகாக் தெரிவித்துள்ளது. இந்தியாவில் பல மாநிலங்கள் கொரோனா கட்டுப்பாடுகளை தளர்த்தி உள்ளன. இதனால் மக்கள் கூட்டம் பரவலாக்கப்பட்டுள்ளது. இது மூன்றாவது அலையின் அபாயத்தை அதிகரிக்கும். அதேநேரம் தடுப்பூசி போடும் வேகம் தீவிரப்படுத்தப்படவில்லை என்றும் குறிப்பிட்டுள்ளது. ஏற்கனவே உலகம் முழுவதும் 3-வது அலை ஆரம்ப கட்டத்தை எட்டியதாக எச்சரிக்கப்பட்டுள்ளது.