பிக்பாஸ் பிரபலம் முகின் ராவ் இரண்டாவதாக நடிக்கும் படம் குறித்த அறிவிப்பு வெளியாகியுள்ளது .
நடிகர் கமல்ஹாசன் தொகுத்து வழங்கும் பிக்பாஸ் நிகழ்ச்சியின் மூன்றாவது சீஸனில் கலந்துகொண்டு ரசிகர்களிடையே மிகப்பெரிய அளவில் பிரபலமடைந்தவர் முகின் ராவ். மக்களின் பேராதரவுடன் இவர் அந்த சீசனின் டைட்டிலை வென்றார் . இதையடுத்து இவர் தமிழ் திரையுலகில் ‘வெற்றி’ என்ற படத்தின் மூலம் கதாநாயகனாக அறிமுகமாக இருப்பதாக அறிவிக்கப்பட்டது .
இந்நிலையில் அந்த படம் தொடங்கும் முன்பே முகின் ராவ் தனது இரண்டாவது படம் குறித்த அறிவிப்பை வெளியிட்டுள்ளார். ‘வேலன்’ என்ற டைட்டில் வைக்கப்பட்டுள்ள இந்த படத்தின் துவக்க விழாவில் எடுக்கப்பட்ட புகைப்படத்தை தனது சமூக வலைத்தள பக்கத்தில் வெளியிட்டுள்ளார் .