பிக் பாஸ் ஆறாவது சீசன் விஜய் தொலைக்காட்சியில் விறுவிறுப்பாக நடைபெற்றுக் கொண்டிருக்கிறது. இந்த நிகழ்ச்சியை கமல் தொகுத்து வழங்குகிறார். பிக் பாஸ் வீட்டில் இருந்து சொந்த காரணத்தின் காரணமாக ஜிபி முத்து வெளியேறினார். இதையடுத்து முதல் வாரத்தில் சாந்தி வீட்டை விட்டுவிட்டு வெளியேற்றப்பட்டார். இதனைத் தொடர்ந்து பெண்களிடையே சீண்டல்களில் ஈடுபட்ட அசல் வீட்டை விட்டு வெளியேறினார். கடந்த வாரம் செரினா வீட்டை விட்டு வெளியேற்றப்பட்டார்.
இந்த நிலையில் இந்த வாரம் பிக்பாஸ்-6 நிகழ்ச்சியில் விஜே மகேஸ்வரி குறைந்த வாக்குகள் பெற்று வெளியேற்றப்பட்டுள்ளார். நேற்று வரை சக போட்டியாளரான ராம்தான் கடைசி இடத்தில் இருந்தார். ஆனால், திடீரென்று மகேஸ்வரி இன்று வெளியேறியிருப்பது ரசிகர்களிடையே குழப்பத்தை ஏற்படுத்தியுள்ளது. மேலும், இன்றைய எபிசோடில் கமல் போட்டியாளர்களை கேள்விகளால் வெளுத்து வாங்கியுள்ளதாகவும், சிலரை எச்சரித்துள்ளதாகவும் கூறப்படுகிறது.