பிக்பாஸ் நிகழ்ச்சிக்குப் பின் கேபி தனது தோழி வீட்டிற்கு சென்ற வீடியோ வெளியாகியுள்ளது.
நடிகர் கமல்ஹாசன் தொகுத்து வழங்கும் பிக்பாஸ் நிகழ்ச்சியின் நான்காவது சீசன் கடந்த அக்டோபர் மாதம் 4ஆம் தேதி 16 போட்டியாளர்களுடன் தொடங்கப்பட்டது. ஒவ்வொரு வார இறுதியிலும் மக்களின் குறைவான வாக்குகளைப் பெற்ற போட்டியாளர்கள் வெளியேற்றப்பட்டு வந்தனர் . இதையடுத்து இறுதிப் போட்டிக்கு ஆரி ,ரியோ ,சோம் ,ரம்யா ,பாலா ,கேபி ஆகிய ஆறு பேர் தேர்வு செய்யப்பட்டனர் . இவர்களில் கடைசி நேரத்தில் பிக்பாஸ் கொடுத்த வாய்ப்பை பயன்படுத்தி 5 லட்சம் பண பெட்டியை எடுத்துக் கொண்டு கேபி போட்டியிலிருந்து விலகினார் .
கேபி எடுத்த முடிவு சரி தான் என பலரும் தங்களது கருத்துக்களை தெரிவித்து வந்தனர் . இந்நிலையில் பிக்பாஸ் நிகழ்ச்சிக்குப் பின் போட்டியாளர்கள் தங்கள் நண்பர்கள் மற்றும் குடும்பத்தினருடன் நேரம் செலவிட்டு வருகின்றனர் . அந்த வகையில் கேபி தனது தோழியின் வீட்டிற்கு சென்று வந்த வீடியோ வெளியாகியுள்ளது . நீண்ட நாட்களுக்குப்பின் சந்தித்த தன் தோழியை ஓடி சென்று நெகிழ்ச்சியுடன் கட்டி அணைத்துக் கொள்கிறார் கேபி.