உலகம் முழுவதிலும் 30க்கும் மேற்பட்ட நாடுகளில் உருமாறிய கொரோனா வைரஸ் பரவி உள்ளதாக அதிர்ச்சி தகவல் வெளியாகி உள்ளது.
சீனாவில் தோன்றிய கொரோனா தொற்று, தற்போது உலக நாடுகள் முழுவதிலும் பரவி அனைவரையும் ஆட்டிப் படைத்துக் கொண்டிருக்கிறது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வருகின்றன. சில நாடுகளில் கொரோனா தடுப்பு ஊசி இறுதிகட்ட பரிசோதனையை எட்டியுள்ளது. இருந்தாலும் சில நாடுகளில் கொரோனா வின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது. இந்நிலையில் பிரிட்டனில் உருமாறிய கொரோனா வைரஸால் உலக நாடுகள் அனைத்தும் அச்சமடைந்துள்ளனர்.
இதனையடுத்து உலகம் முழுவதிலும் 30க்கும் மேற்பட்ட நாடுகளில் உருமாற்றம் அடைந்த கொரோனா வைரஸ் பரவி விட்டதாக தெரிவிக்கப்பட்டுள்ளது. இந்தியா, துருக்கி மற்றும் அயர்லாந்து உள்ளிட்ட நாடுகளில் இந்த வைரஸ் பரவியுள்ள நிலையில் தற்போது வியட்நர் சேர்ந்துள்ளது. அதனால் உலக நாடுகள் மீண்டும் கட்டுப்பாடுகளை அதிகரித்து வருவதாக கூறப்பட்டுள்ளது.