லாரி மோதியதில் முதியவர் பலியான சம்பவம் சோகத்தை ஏற்படுத்தியுள்ளது.
திருச்சி மாவட்டத்திலுள்ள நாகப்பா நகரில் கிறிஸ்டோபர் என்ற முதியவர் வசித்து வந்துள்ளார். இவர் தனது இருசக்கர வாகனத்தில் தனது பேரனான மார்ஷல் என்பவரை அழைத்து கொண்டு லால்குடி நோக்கி சென்றுள்ளார். இவர்களது மோட்டார் சைக்கிள் திருச்சி காவிரி பாலத்தின் அருகே சென்று கொண்டிருந்தபோது, பின்னால் வேகமாக வந்த லாரி இவர்களின் இருசக்கர வாகனம் மீது மோதி விட்டது. இதனால் தூக்கி வீசப்பட்டு பலத்த காயமடைந்த இருவரையும் அருகில் உள்ளவர்கள் மீட்டு தனியார் மருத்துவமனைக்கு சிகிச்சைக்காக கொண்டு சென்றனர்.
ஆனால் மருத்துவமனைக்கு போகும் வழியிலேயே கிறிஸ்டோபர் பரிதாபமாக உயிரிழந்து விட்டார். மேலும் தனியார் மருத்துவமனையில் அனுமதிக்கப்பட்ட மார்ஷலுக்கு தீவிர சிகிச்சை அளிக்கப்பட்டு வருகிறது. இது குறித்து வழக்கு பதிவு செய்த திருச்சி வடக்கு போக்குவரத்து புலனாய்வு போலீசார் விபத்தை ஏற்படுத்திய லாரி டிரைவரான நாமக்கல் மாவட்டம் கெங்கவல்லி பகுதியில் வசித்து வரும் தர்மராஜ் என்பவரை கைது செய்து விசாரணை நடத்தி வருகின்றனர்.