சற்றும் எதிர்பாராத சம்பவம்…. சிறை காவலர்களுக்கு நடந்த சோகம்…. கண்ணீர் வடிக்கும் குடும்பத்தினர்….!!

மோட்டார் சைக்கிள் மீது லாரி மோதிய விபத்தில் சிறை காவலர் உயிரிழந்த சம்பவம் சோகத்தை ஏற்படுத்தியுள்ளது.

விருதுநகர் மாவட்டத்திலுள்ள மாங்குடி கிராமத்தில் கோபாலகிருஷ்ணன் என்பவர் வசித்து வந்துள்ளார். இவர் புழல் சிறையில் காவலராக பணிபுரிந்து வந்துள்ளார். மேலும் புழல் சிறை காவலர் குடியிருப்பில் வசித்து வரும் மணிமாறன் என்ற மற்றொருவரும் புழல் சிறையில் காவலராக வேலை பார்த்து வந்துள்ளார். இந்நிலையில் இரண்டு காவலர்களும் மாதவரத்தில் இருந்து மோட்டார் சைக்கிளில் புழல் சிறை நோக்கி சென்றுள்ளனர். அப்போது இவர்களின் மோட்டார் சைக்கிள் ஜி.எஸ்.டி சாலையில் சென்று கொண்டிருந்தபோது, பின்னால் வந்த லாரி திடீரென இவர்களது மோட்டார் சைக்கிள் மீது பலமாக மோதி விட்டது.

இதில் தூக்கி வீசப்பட்ட கோபாலகிருஷ்ணன் சம்பவ இடத்திலேயே பரிதாபமாக உயிரிழந்து விட்டார். இதனை அடுத்து அருகில் இருந்தவர்கள் மணிமாரணை மீட்டு சிகிச்சைக்காக சென்னை அரசு ஸ்டான்லி மருத்துவமனைக்கு கொண்டு சென்றுள்ளனர். மேலும் இச்சம்பவம் குறித்து வழக்கு பதிவு செய்த மாதவரம் போக்குவரத்து புலனாய்வு பிரிவு காவல்துறையினர் விபத்தை ஏற்படுத்தி விட்டு தப்பியோடிய லாரி டிரைவரை தீவிரமாக தேடி வருகின்றனர்.