மோட்டார் சைக்கிள் நிலைத்தடுமாறி மரத்தின் மீது மோதிய விபத்தில் டிரைவர் உயிரிழந்த சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள தும்மக்குண்டு கிராமத்தில் டிரைவரான கிஷோர் என்பவர் வசித்து வந்துள்ளார். இவர் தனது நண்பரான கதிரேசன் என்பவருடன் மோட்டார் சைக்கிளில் திருமங்கலம் நோக்கி புறப்பட்டுள்ளார். இதனையடுத்து இவர்கள் திருமங்கலம்-உசிலம்பட்டி சாலையில் சென்று கொண்டிருக்கும் போது திடீரென நிலைதடுமாறிய மோட்டார் சைக்கிள் அங்கிருந்த மரத்தின் மீது மோதி விட்டது.
இதனால் படுகாயமடைந்த கிஷோர் சம்பவ இடத்திலேயே பரிதாபமாக உயிரிழந்து விட்டார். அதன்பின் அருகில் இருந்தவர்கள் காயமடைந்த கதிரேசனை மீட்டு அரசு மருத்துவமனையில் சிகிச்சைக்காக அனுமதித்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.