பைக்கை தீ வைத்து எரித்த 2 பேரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள முத்துகிருஷ்ணாபுரம் பகுதியில் சரவணன் என்பவர் வசித்து வருகிறார். இவர் சொந்தமாக உரக்கடை நடத்தி வருகிறார். இவருடைய நண்பரான மாரிமுத்து என்பவர் தாளமுத்துநகர் பகுதியில் வசித்து வருகிறார். இந்நிலையில் மாரிமுத்துவின் உறவினர் ஒருவர் இறந்துவிட்டார். இதனால் நண்பர்கள் இருவரும் துக்கம் விசாரிப்பதற்காக அங்கு சென்றுள்ளனர். அப்போது அவர்களுக்கிடையே வாக்குவாதம் ஏற்பட்டுள்ளது. இந்நிலையில் தாளமுத்து நகர் மெயின் சாலையில் சரவணன் நின்று கொண்டிருந்தார்.
அப்போது அங்கு வந்த மாரிமுத்து மற்றும் அவரது நண்பர் தங்கராஜ் ஆகியோர் சரவணனிடம் வாக்குவாதம் குறித்து கேட்டுள்ளனர். இதனால் அவர்களுக்கிடையே மீண்டும் தகராறு ஏற்பட்டுள்ளது. இதில் ஆத்திரமடைந்த தங்கராஜ் மற்றும் மாரிமுத்து சேர்ந்து சரவணனின் பைக்கை எரித்துள்ளனர். இது குறித்து சரவணன் தாளமுத்துநகர் காவல்நிலையத்தில் அளித்த புகாரின் பேரில் வழக்கு பதிவு செய்த காவல் துறையின் தங்கராஜ் மற்றும் மாரிமுத்து ஆகிய 2 பேரையும் கைது செய்து விசாரணை நடத்தி வருகின்றனர்.