தமிழக சட்டமன்ற தேர்தல் ஏப்ரல் 6-ஆம் தேதி நடைபெற இருக்கிறது. இதையடுத்து அரசியல் கட்சிகள் தீவிர பிரச்சாரத்தில் ஈடுபட்டு வருகின்றனர். மேலும் தேர்தல் ஆணையமும் அதற்கான பணிகளில் ஈடுபட்டு வருகிறது. ஒவ்வொரு கட்சியிலும் கூட்டணி குழப்பமும், தொகுதி பங்கிடுவதில் இழுபறியும் நீடித்து வருகிறது. இதனால் தேர்தல் களம் பரபரப்பாக உள்ளது. இதையடுத்து ஒவ்வொரு கட்சியிலும் வேட்பாளர் பட்டியல் வெளியிடப்பட்டு வருகின்றது. இதையடுத்து தற்போது தேர்தலுக்கான பணிகள் விறுவிறுப்பாக நடைபெற்று வருகின்றது.
இந்நிலையில் அதிமுக கூட்டணியில் பாஜக 20 தொகுதிகளில் போட்டியிடுகிறது. இதையடுத்து பாஜக வேட்பாளர்களை இறுதி செய்ய தமிழக பாஜக தலைவர் எல்.முருகன் உள்ளிட்டோர் டெல்லிக்கு விமானத்தில் புறப்பட்டு சென்றுள்ளனர். 20 தொகுதி வேட்பாளர்களை .டெல்லியில் தலைமையை சந்தித்து இறுதி செய்ய இருக்கின்றனர். எல்.முருகனுடன் ராதாகிருஷ்ணன், கேசவ விநாயகம் ஆகியோர் டெல்லி சென்றுள்ளனர். இந்நிலையில் இன்று இரவு பாஜக வேட்பாளர் பட்டியல் வெளியாகலாம் என்று தகவல் வெளியாகியுள்ளது.