கர்நாடக மாநிலத்தின் மக்களவை தேர்தலில் பாஜக 23 இடங்களில் முன்னிலை பெற்றுள்ளது.
நாடு முழுவதும் மக்களவை தேர்தல் கடந்த ஏப்ரல் 11_ஆம் தேதி மே 19_ஆம் தேதி வரை நடைபெற்றது. 7 கட்டங்களாக நடைபெற்ற தேர்தலின் வாக்கு எண்ணிக்கை முடிவுகள் இன்று காலை 8 மணிக்கு தொடங்கி நடைபெற்று வருகின்றது. இன்று காலை தபால் வாக்குகளை எண்ணிக்கையுடன் தொடங்கிய வாக்குப்பதிவு முன்னிலை நிலவரம் வெளிவந்து இருக்கின்றது. காலை முதல் வெளிவந்த முன்னிலை விவரங்களில் தேசியளவில் பாரதீய ஜனதா கூட்டணி கூட்டணி முன்னிலை வகித்து வருகின்றது.
அதே போல கர்நாடக மாநிலத்தில் உள்ள 28 மக்களவை தொகுதிகளில் 23 இடங்களில் பாஜக முன்னிலை வகிக்கிறது. அங்கு கூட்டணி அமைத்து போட்டியிட்ட காங்கிரஸ் – ஜேடிஎஸ் 4 மக்களவை தொகுதிகளிலும் , சுயேட்சை வேட்பாளர் 1 தொகுதிகளிலும் முன்னிலை வகிக்கிறார். பெங்களூரு மத்திய தொகுதியில் சுயேட்சை வேட்பாளாராக போட்டியிட்ட நடிகர் பிரகாஷ் ராஜ் பின்னடைவை சந்தித்துள்ளார் என்பது குறிப்பிடத்தக்கது.