பாகிஸ்தானில் இன்று காலையில் திடீரென்று வெடிகுண்டு தாக்குதல் நடத்தப்பட்டதில் 2 பேர் உயிரிழந்ததோடு 16 நபர்களுக்கு பலத்த காயம் ஏற்பட்டுள்ளது.
பாகிஸ்தானில் உள்ள லாகூரில் இருக்கும் ஜோஹார் டவுன் என்ற பகுதியில் ஒரு குடியிருப்பிற்கு அருகில் குண்டுவெடிப்பு தாக்குதல் நடத்தப்பட்டுள்ளது. அந்த சமயத்தில் அங்கு சென்ற குழந்தைகளும் பெண்களும் பலத்த காயமடைந்துள்ளனர்.
எனவே பாதுகாப்பு படையினர் வெடிகுண்டு தாக்குதல் நடத்தப்பட்ட இடத்திற்கு விரைந்து சென்று படுகாயமடைந்தவர்களை உடனடியாக மீட்டு மருத்துவமனையில் அனுமதித்துள்ளனர். இந்த தாக்குதலில் தற்போது வரை இரண்டு பேர் பலியாகியுள்ளனர்.
16 நபர்களுக்கு பலத்த காயம் ஏற்பட்டுள்ளதாக தெரிவிக்கப்பட்டுள்ளது. மேலும் பலர் உயிருக்கு போராடிய நிலையில் மருத்துவமனையில் தீவிர சிகிச்சை பிரிவில் உள்ளனர்.