போதைப்பொருள் பயன்பாடு தொடர்பாக தன்னிடம் போலீசார் சோதனை நடத்தலாம் என்றும் அதற்கு முழு ஒத்துழைப்பு அளிக்கத் தயாராக இருப்பதாகவும் பாலிவுட் நடிகை கங்கனா ரனாவத் தெரிவித்துள்ளார்.
நடிகர் சுஷாந்த் மரணத்திற்கு பாலிவுட்டின் வாரிசு நடிகர்களின் அழுத்தமே காரணம் என நடிகை கங்கனா ரனாவத் குற்றம்சாட்டினார். பாலிவுட்டில் உள்ள முதன்மை தயாரிப்பாளர்கள் சிலர் வாரிசு நடிகர்களை போதைப் பொருட்களுக்கு அடிமையாக்கி வைத்திருப்பதாகவும் இது தொடர்பாக போலீசார் விசாரணை மேற்கொள்ள வேண்டும் என்றும் கங்கனா கருத்து தெரிவித்திருந்தார். இதனையடுத்து நடிகை கங்கனா ரனாவத் போதை பொருட்களை பயன்படுத்தினாரா? என்பது குறித்து போலீசார் ஆய்வு செய்ய வேண்டும் என மகாராஷ்டிரா மாநிலத்தின் உள்துறை அமைச்சர் திரு அணில் தேஸ்புக் தெரிவித்திருந்தார்.
இதற்கு பதில் தந்த கங்கனா போதைப்பொருள் பயன்பாடு தொடர்பாக சோதனை தான் தயாராக இருப்பதாகவும் தனது ரத்த மாதிரி பரிசோதனை செய்யலாம் என்றும் குறிப்பிட்டுள்ளார். தனக்கு போதை பொருள் விற்பனை கும்பலுடன் தொடர்பு இருப்பதை நிரூபித்தால் மும்பையை விட்டு செல்ல தயார் என்றும் கங்கனா தெரிவித்துள்ளார்.