இஸ்ரேலில் ராக்கெட் தாக்குதலில் உயிரிழந்த சிறுவனின் இறுதிச்சடங்கின் போது ஏவுகணை தாக்குதல் நடத்தப்பட்ட சம்பவம் கொந்தளிப்பை ஏற்படுத்தியுள்ளது.
இஸ்ரேலை நோக்கி, ஹமாஸ் அமைப்பினர், காசா முனையிலிருந்து ராக்கெட் தாக்குதல் நடத்தியதில் Ido Avigal என்ற 5 வயது சிறுவன் உயிரிழந்தார். அவரது தாய் பலத்த காயங்களுடன் மருத்துவமனையில் அனுமதிக்கப்பட்டிருக்கிறார். இதனைத்தொடர்ந்து சிறுவனின் இறுதிச்சடங்கு, Kiryat Gat என்ற நகரில் நடந்துள்ளது.
அப்போது திடீரென்று ஏவுகணைத் தாக்குதல் நடத்தப்போவதாக எச்சரிக்கை மணி ஒலிக்கபட்டுள்ளது. இதனால் இறுதி சடங்கில் பங்கேற்ற அனைத்து மக்களும் பதற்றத்துடன் தரையில் கவிழ்ந்து படுத்துள்ளனர். இதுகுறித்து பாதுகாப்பு அதிகாரிகள் கூறியுள்ளதாவது, அவர்களது நோக்கம் Kiryat Gat பகுதியை தாக்குவது அல்ல. ஆனால் இறுதிச்சடங்கில் தொந்தரவு செய்வதற்காகவே இவ்வாறு ராக்கெட்டுகளை வீசியதாக தெரிவித்துள்ளனர்.
இது குறித்து அப்பகுதி மக்கள் கூறுகையில், ஹமாஸ் அமைப்பினரின் இந்த செயல்பாடுகள் எங்களின் வேதனையை இரண்டு மடங்காக்குகிறது என்று தெரிவித்துள்ளனர். இந்நிலையில் இஸ்ரேல் ஜனாதிபதியான Reuven Rivlin, சிறுவனுடைய தந்தையை சந்தித்து ஆறுதல் கூறியுள்ளார்.