தமிழகத்தில் தொடர்ச்சியாக அமல்படுத்தப்பட்டு வந்த ஊரடங்கு காரணமாக பாதிப்பு எண்ணிக்கை குறைந்து வந்ததனால் ஊரடங்கில் தளர்வுகள் அறிவிக்கப்பட்ட நிலையில், தற்போது சென்னை உள்ளிட்ட சில இடங்களில் பாதிப்பு மெல்ல மெல்ல உயர்ந்து வருகிறது. இதனால் கூடுதல் தளர்வுகளின்றி மேலும் ஒருவாரம் ஊரடங்கு நீட்டிக்கப்பட்டுள்ளது. இந்நிலையில் ஊரடங்கு அமலில் உள்ளதால் அதிகளவு மக்கள் கூடினால் தொற்று பரவும் ஆபத்து ஏற்படும் என்பதால் மக்கள் அதிகம் கூடும் இடங்களில் கடைகளை திறக்க தடை விதிக்கப்பட்டுள்ளது.
அதுமட்டுமல்லாமல் கொரோனா முன்னெச்சரிக்கை நடவடிக்கையாக பல கோவில்களில் பக்தர்கள் தரிசனத்திற்கு தடை விதிக்கப்பட்டுள்ளது. அந்தவகையில் கோவையில் கொரோனாவை கட்டுபடுத்த மக்கள் அதிகம் கூடும் இடங்கள், பூங்காக்கள், முக்கிய சாலைகளை அடைக்க மாவட்ட நிர்வாகம் முடிவு செய்துள்ளது. எத்தனை பூங்காக்கள், சாலைகள், தெருக்கள் அடக்கப்படும் என்பது குறித்து விரைவில் அறிவிக்கப்படும் என்றும் தெரிவித்துள்ளது. மேலும் கரூர் மாவட்டத்தில் காவிரி ஆற்றங்கரைகுளித்தலை திருகடம்பந்துறை ஆகிய இடங்களில் மக்கள் வழிபாடு நடத்தவும் தடை விதிக்கப்பட்டுள்ளது.