பொதுமக்கள் காவல் நிலைய அதிகாரிகளிடம் புகார் தெரிவிக்க கைபேசி செயலி உருவாக்கப்படும் என முதல்வர் மு.க ஸ்டாலின் தெரிவித்துள்ளார்.
சட்டப்பேரவையில் இறுதிநாளான இன்று நீட் தேர்வுக்கு விலக்கு கோரி சட்ட மசோதாவை முதல்வர் மு.க ஸ்டாலின் இன்று தாக்கல் செய்தார். இதையடுத்து சட்டப்பேரவையில் பல்வேறு புதிய அறிவிப்புகளை வெளியிட்டார். அதில், தமிழகத்தில் புதிதாக 10 காவல் நிலையங்கள், 4 தீயணைப்பு நிலையங்கள் ஏற்படுத்தப்படும்.
செப்டம்பர் 15ஆம் தேதி அண்ணா பிறந்த நாளை முன்னிட்டு 700 ஆயுள் தண்டனை சிறைக் கைதிகள் விடுதலை செய்யப்படுவார்கள். 700 சிறைக் கைதிகளை விடுவிப்பதற்கான அரசு ஆணை விரைவில் வெளியிடப்படும் என்று அவர் தெரிவித்துள்ளார். இதை தொடர்ந்து பொதுமக்கள் காவல் நிலைய அதிகாரியிடம் புகார் தெரிவிக்க வேண்டும் என்பதற்காக கைபேசி செயலி ஒன்று உருவாக்கப்படும் என அறிவித்துள்ளார்.