பெங்களூரு சிறையில் இருக்கும் சசிகலா மூச்சுத் திணறல் காரணமாக மருத்துவமனையில் அனுமதிக்கப்பட்டிருப்பது அதிர்ச்சியை ஏற்படுத்தியுள்ளது.
சொத்துக்குவிப்பு வழக்கில் பெங்களூரு சிறையில் தண்டனை அனுபவித்துக் கொண்டிருக்கும் சசிகலா வருகின்ற ஜனவரி 27-ஆம் தேதி விடுதலை செய்யப்படுவதாக அதிகாரப்பூர்வ அறிவிப்பு வெளியாகியது. இந்நிலையில் அவருக்கு திடீரென சுவாசப் பிரச்சினை ஏற்பட்டதால் அவருக்கு சிகிச்சை அளிக்க மருத்துவர்கள் பெங்களூரு சிறைக்கு விரைந்தனர். அங்கு அவருக்கு லேசான காய்ச்சல், இருமல் மற்றும் மூச்சுத் திணறல் ஏற்பட்டதால் அவருக்கு சிகிச்சை அளிக்க முடிவு செய்து பெங்களூரு சிறையிலிருந்து மருத்துவமனைக்கு அழைத்துச் செல்லப்படுகிறார்.
பெங்களூரு போரிங் மருத்துவமனைக்கு சசிகலா அழைத்துச் செல்லப்பட்டுள்ளார். காய்ச்சல் மற்றும் இருமல் காரணமாகவே அவருக்கு மூச்சு திணறல் ஏற்பட்டு உள்ளதாக மருத்துவர்கள் கூறியுள்ளனர். மேலும் சசிகலா ஜனவரி 27-ஆம் தேதி விடுதலை செய்யப்பட உள்ள நிலையில், அவருக்கு திடீரென உடல் நலக்குறைவு ஏற்பட்டு இருப்பது அவரது ஆதரவாளர்கள் இடையே அதிர்ச்சியை ஏற்படுத்தியுள்ளது.