தமிழக அரசு பணிகளுக்கான தேர்வை தமிழ்நாடு அரசு பணியாளர் தேர்வாணையம் (TNPSC) நடத்தி வருகிறது. இனி அரசு வேலைகளுக்கு தமிழ் மொழி தேர்வில் கட்டாயம் தேர்ச்சி பெறவேண்டும் என்ற அரசாணையை சில தினங்களுக்கு முன்பு வெளியிடப்பட்டிருந்த நிலையில் குரூப்-2, குரூப்-4 உள்ளிட்ட பல தேர்வுகள் எப்போது நடத்தப்படும் என்ற கேள்வி இலட்சக்கணக்கானவர்களிடம் நிலவி வருகிறது. இந்நிலையில் டிஎன்பிஎஸ்சி தலைவர் பாலசந்திரன் இன்று சற்றுநேரத்திற்கு முன் செய்தியாளர்களை சந்தித்தார்.
இதில், 2022-ல் நடத்தப்பட உள்ள தேர்வு அட்டவணையை டிஎன்பிஎஸ்சி தலைவர் பாலசந்திரன் வெளியிட்டுள்ளார். அதன்படி 2022 பிப்ரவரியில் குருப் 2 தேர்வுகள், மார்ச் மாதம் குருப் 4 தேர்வுகள் நடைபெறும் என்று கூறியுள்ளார். மேலும் அட்டவணை வெளியாகி 75 நாட்களுக்கு பிறகு தேர்வுகள் நடைபெறும் . ஆப்ஜெக்டிவ் முறையில் இந்தத் தேர்வு நடைபெறும் குரூப்-2, 2 ஏ தேர்வு காலிப்பணியிடம் 5,831. குருப் 4 -ல் பழைய காலிப்பணியிடம் 5,255 என்று தெரிவித்துள்ளார். மேலும் டிஎன்பிஎஸ்சி தேர்வில் முறைகேடுகள் நிகழாதவாறு ஓஎம்ஆர் தாள்கள், மை, விடைத்தாள் பாதுகாப்பு ஆகியவை உறுதி செய்யப்பட்டுள்ளது என்று கூறியுள்ளார்.