தமிழகம் முழுவதும் கடந்த சில நாட்களாக கொரோனா பாதிப்பு மீண்டும் அதிகரிக்க தொடங்கியுள்ளது. அதனால் கூடுதல் கட்டுப்பாடுகள் விதிப்பது தொடர்பாக முதல்வர் ஸ்டாலின் மருத்துவ நிபுணர்களுடன் கடந்த இரண்டு நாட்களாக ஆலோசனை நடத்தி வந்தார். அந்த ஆலோசனை கூட்டத்தில் தமிழகத்தில் மீண்டும் ஊரடங்கு அமல்படுத்தப்படுவது மற்றும் பள்ளிகள் மூடுவது குறித்த கருத்துக்கள் முன்வைக்கப்பட்டது.
இதையடுத்து தமிழகத்தில் கூடுதல் கட்டுப்பாடுகளை அமல்படுத்தி தமிழக அரசு அறிவித்துள்ளது. அதன்படி, தமிழகத்தில் கல்லூரிகளுக்கு ஜனவரி 20ஆம் தேதி வரை விடுமுறை அறிவிக்கப்பட்டுள்ளது. இந்நிலையில் அனைத்து இளநிலை மற்றும் முதுநிலை படிப்புகளில் பயிலும் மாணவர்களுக்கு ஜன-20 வரை வகுப்புகளை ரத்து செய்து அண்ணா பல்கலைக்கழகம் உத்தரவு பிறப்பித்துள்ளது. செமஸ்டர் தேர்வுகளுக்கு மாணவர்கள் தயாராவதற்காக வகுப்புகள் ரத்து செய்யப்பட்டுள்ளதாக குறிப்பிட்டுள்ளது.