சீனாவில் இருந்து டெல்லிக்கு வந்த 17 பேருக்கு கொரோனா வைரஸ் அறிகுறி இருப்பதாக தகவல் வெளியாகியுள்ளது.
சீனாவின் ஹூபே, வூகான் உள்ளிட்ட பல்வேறு மாகாணங்களில் கொரோனா வைரஸ் தாக்குதலால் பலர் பாதிக்கப்பட்டுள்ளனர்.சீனாவுக்கு வெளியே அமெரிக்கா, கனடா, பிலிப்பைன்ஸ் உள்ளிட்ட நாடுகளிலும் கொரோனா வைரஸ் தொற்று மிக வேகமாகப் பரவிவருகிறது.
இந்தியாவில் கேரள மாநிலத்தைச் சேர்ந்தவர் 3 பேர் கொரானோ வைரஸ் பாதிக்கப்பட்டு அவர்களுக்கு தீவிர சிகிச்சை அளிக்கப்பட்டு வரும் நிலையில் தற்போது சீனாவில் இருந்து டெல்லிக்கு வந்த 17 பேருக்கு கொரானோ வைரஸ் தாக்கம் இருப்பது கண்டறியப் பட்டுள்ளதாக தகவல் வெளியாகியிருக்கிறது.சீனாவிலிருந்து வந்த 17 பேரும் தனிமைப்படுத்தப்பட்டு , தீவிர கண்காணிப்பில் வைக்கப்பட்டுள்ளதாக டெல்லி சுகாதாரத்துறை சார்பில் தெரிவிக்கப்பட்டுள்ளது.
