தமிழகத்தில் கடந்த சில நாட்களாக தொடர்ந்து மழை பெய்து வருவதால் காய்கறிகள் விளைச்சல் பெரிதும் பாதிக்கப்பட்டுள்ளது. அதிலும் குறிப்பாக தக்காளியின் வரத்து குறைந்து உள்ள காரணத்தால் நாளுக்கு நாள் தக்காளி விலை புதிய உச்சத்தை தொட்டு கொண்டிருக்கிறது. அதனால் மக்கள் பெரிதும் பாதிக்கப்பட்டுள்ளனர்.
இந்நிலையில் தக்காளி விற்பனையைக் கட்டுப்படுத்தும் வகையில் பண்ணை பசுமை காய்கறி கடைகளில் விற்கப்படும் என்று தமிழக அரசு அறிவித்துள்ளது. வெளிச் சந்தைகளில் தக்காளி விலையைக் கட்டுப்படுத்தும் வகையில் பசுமை கடைகளில் கிலோ 85 ரூபாய் முதல் 100 ரூபாய் வரை விற்பனை செய்யப்படும். சென்னை, தஞ்சை, சேலம், நெல்லை உள்ளிட்ட மாவட்டங்களில் 65 பண்ணை பசுமை காய்கறி கடைகள் மூலம் தக்காளி விற்பனை செய்ய ஏற்பாடு செய்யப்பட்டுள்ளது. தமிழக அரசின் இந்த அறிவிப்பு மக்கள் மத்தியில் மகிழ்ச்சியை ஏற்படுத்தியுள்ளது.