தமிழகத்தில் இரவு நேர ஊரடங்கு காரணமாக அதிகாலை 4 மணி முதல் இரவு 8 மணி வரை மட்டும் பேருந்துகள் ஓடும் என்று போக்குவரத்து துறை தெரிவித்துள்ளது.
தமிழகத்தில் கடந்த சில நாட்களாக கொரோனா தொற்று தொடர்ந்து அதிகரித்துக் கொண்டே வருகிறது. இவற்றை கட்டுக்குள் வைக்க மாநில அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. இருப்பினும் தொற்று தொடர்ந்து அதிகரித்துக்கொண்டே வருகின்றது. இதன் காரணமாக முதல்வர் எடப்பாடி பழனிச்சாமி நேற்று சுகாதாரத் துறை அதிகாரிகளுடன் இணைந்து ஆலோசனை கூட்டத்தில் ஈடுபட்டார். இதையடுத்து பல முக்கிய முடிவுகள் எடுக்கப்பட்டது. அது ஞாயிற்றுக்கிழமைகளில் முழு ஊரடங்கு, மற்ற நாட்களில் இரவு 10 மணி முதல் காலை 4 மணி வரை ஊரடங்கு என முக்கிய கட்டுப்பாடுகளை அறிவித்தது.
இந்நிலையில் தற்போது புதிய அறிவிப்பு ஒன்றும் வெளியாகியுள்ளது தமிழகத்தில் இரவு நேர ஊரடங்கு காரணமாக அதிகாலை 4 மணி முதல் இரவு 8 வரை மட்டுமே அரசு பேருந்துகள் இயக்கப்படும் என்று போக்குவரத்து துறை அறிவித்துள்ளது. விரைவு பேருந்து வழியில் ஏற்கனவே முன்பதிவு செய்த பயணிகள் பயண தேதியை மாற்றி அமைத்துக் கொள்ளலாம். மாற்று பயண தேதிக்கு பதில் பேருந்து முன்பதிவு கட்டணம் திருப்பி வழங்கப்படும் என்றும் அறிவித்துள்ளது.