தமிழகத்தில் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதில் பல கட்டுப்பாடுகள் விதிக்கப்பட்டு உள்ளதால் மக்கள் வேலைக்கு செல்ல முடியாமல் தங்கள் அன்றாட வாழ்க்கையை இழந்து தவித்து வருகிறார்கள். அது மட்டுமல்லாமல் பொருளாதார ரீதியாகவும் பெரிதும் பாதிக்கப்பட்டுள்ளனர். இதற்கு மத்தியில் அத்தியாவசியப் பொருட்களின் விலை நாளுக்கு நாள் உயர்ந்து கொண்டே வருவது மக்கள் மத்தியில் அதிர்ச்சியை ஏற்படுத்தியுள்ளது. அதன்படி பெட்ரோல் மற்றும் டீசல் விலை நாளுக்கு நாள் உயர்ந்து கொண்டேவருகிறது.
இந்நிலையில் தமிழகத்தில் டீசல் விலை தொடர்ந்து அதிகரித்து வந்தாலும் பேருந்து கட்டணத்தை உயர்த்தும் திட்டம் இல்லை என்று அமைச்சர் ராஜகண்ணப்பன் தெரிவித்துள்ளார். மேலும் கடந்த அதிமுக ஆட்சியில் இருந்த பட்ட வழித்தடங்களில் மீண்டும் பேருந்து சேவை கொண்டு வரப்படும். கிராமப்புறங்களில் மினி பேருந்துகள் இயக்க ஆலோசனை நடைபெறுகிறது என்று அவர் கூறியுள்ளார்.