தமிழகம் முழுவதும் அச்சுறுத்தல் காரணமாக பள்ளி மற்றும் கல்லூரிகள் அனைத்தும் மூடப்பட்டுள்ளன. கடந்த கல்வி ஆண்டு முழுவதும் மாணவர்கள் அனைவருக்கும் ஆன்லைன் மூலமாகவே வகுப்புகள் நடத்தப்பட்டது. அதன் பிறகு மாணவர்களின் நலனை கருதி அனைத்து வகுப்பு மாணவர்களும் தேர்ச்சி என அறிவிக்கப்பட்டது. இதையடுத்து 10,11 மற்றும் 12ஆம் வகுப்பு மாணவர்களுக்கு பொதுத்தேர்வு நடத்தப்படாத நிலையில், முந்தைய தேர்வுகளின் மதிப்பெண்களை அடிப்படையாகக் கொண்டு தேர்வு முடிவுகள் வெளியிடப்பட்டது.
இந்நிலையில் தமிழகத்தில் 10ஆம் வகுப்பு துணைத்தேர்வு செப்டம்பர் 16 முதல் 28 ஆம் தேதி வரையும், பிளஸ் 1 மாணவர்களுக்கு துணைத் தேர்வு செப்டம்பர் 15 முதல் 30 வரையும் நடைபெறும் என அரசுத் தேர்வுகள் இயக்ககம் அறிவித்துள்ளது. இந்த துணைத் தேர்வுக்கு இன்றுமுதல் ஆகஸ்ட் 11-ஆம் தேதி வரை சேவை மையங்கள் மூலம் விண்ணப்பிக்கலாம். 10 ஆம் வகுப்பு தேர்வுக்கு சிறப்பு அனுமதி கட்டணம் 500, பிளஸ் 1-க்கு ஆயிரம் ரூபாய். மேலும் இது பற்றிய விவரங்களுக்கு www.dge.tn.gov.in என்ற இணையதளத்தை அணுகலாம்.