தமிழக அரசு பணிகளுக்கான தேர்வை தமிழ்நாடு அரசு பணியாளர் தேர்வாணையம் (TNPSC) நடத்தி வருகிறது. கொரோனா காரணமாக பல தேர்வுகள் நடத்தப்படாமல் இருந்தது. தற்போது கொரோனா குறைந்துள்ளதால் தேர்வுக்கான அறிவிப்பை TNPSC வெளியிட்டுள்ளது. அந்தவகையில் 2022 பிப்ரவரியில் குரூப் 2 தேர்வுகள், மார்ச்சில் குரூப் 4 தேர்வு நடைபெறும். அட்டவணை வெளியான 75 நாட்களுக்கு பிறகு தேர்வுகள் நடைபெறும். அப்ஜெக்டிவ் முறையில் தேர்வுகள் நடத்தப்படும் என்று அறிவிக்கப்பட்டது.
இந்த நிலையில் குரூப் 1 முதன்மை தேர்வு 2022 மார்ச் 4, 5, 6 ஆகிய தேதிகளில் நடைபெறும் என டிஎன்பிஎஸ்சி அறிவித்துள்ளது. குரூப்-1 வரிசையில் வரும் 66 பணியிடங்களுக்கு நடைபெற்ற முதல் நிலை தேர்வில் தேர்ச்சி பெற்ற 3,800 பேருக்கு மார்ச்சில் முதன்மை தேர்வு நடைபெற உள்ளது. முதல்நிலைத் தேர்வில் தேர்ச்சி பெற்றவர்கள் சான்றிதழ்களை டிசம்பர் 22 இல் இருந்து ஜனவரி 5 க்குள் www.tnpsc.gov.in என்ற இணையதளத்தில் பதிவேற்றம் செய்ய வேண்டும் என்று தெரிவிக்கப்பட்டுள்ளது.