தமிழகம் முழுவதும் காவலர் தேர்வு முடிவுகளை சீருடை பணியாளர் தேர்வாணையம் வெளியிட்டுள்ளது.
தமிழகம் முழுவதிலும் 11,813 காலி பணியிடங்கள் இருந்து காவலர் தேர்வு நடத்தப்பட்டது. அப்போது நடத்தப்பட்ட காவலர் தேர்வு முடிவுகளை சீருடை பணியாளர் தேர்வாணையம் வெளியிட்டுள்ளது. அசல் சான்றிதழ் சரிபார்ப்பு, உடற்கூறு அளத்தல், உடற் தகுதி தேர்வுக்கு தகுதி பெற்றவர்களின் பதிவு எண் www.tnsrbonline.org என்ற இணையதளத்தில் வெளியிட்டுள்ளது.
தமிழகத்தில் சுமார் ஐந்து இலட்சத்திற்கும் மேற்பட்டோர் இந்த தேர்வினை எழுதினர். அதன்படி தேர்வில் 1:5 என்ற முறையில் தேர்வு முடிவுகள் வெளியாகியுள்ளது. அவ்வாறு தேர்வான விண்ணப்பதாரர்கள் அனைவருக்கும் அழைப்பு கடிதம் விரைவில் வெளியிடப்படும் என அறிவிக்கப்பட்டுள்ளது.