தமிழகம் முழுவதும் பெட்ரோல் பங்குகளில் பெட்ரோலை பாட்டில்களில் வழங்க தடை விதிக்கப்பட்டுள்ளது.
தென் மாவட்டங்களில் இரண்டு நாட்களாகவே வன்முறை சம்வங்கள் அதிகரித்து வரும் நிலையில் 20000 போலீசார் பாதுக்காப்பு பணியில் ஈடுபட்டுள்ளனர். தென் மாவட்டங்களில் உள்ள முக்கிய நபர்களின் வீடுகள், அலுவலகங்களுக்கு போலீஸ் பாதுகாப்பு தீவிரப்படுத்தப்பட்டுள்ளது. கோவை, திண்டுக்கல், சென்னை என பல இடங்களில் பாஜக நிர்வாகிகள், இந்து அமைப்பினர் அடுத்தடுத்து பெட்ரோல் குண்டுவீச்சு தாக்குதல் நடைபெற்றதால் பதற்றமான சூழல் உருவாகியுள்ளது.
இதையடுத்து பாஜக, ஆர்.எஸ்.எஸ் பிரமுகர்கள் வீட்டில் தொடர் பெட்ரோல் குண்டு வீச்சு சம்பவங்கள் நடைபெற்று வரும் நிலையில், காவல்துறையின் அறிவுறுத்தலை ஏற்று தமிழகம் முழுவதும் பெட்ரோல் பங்குகளில் பெட்ரோலை பாட்டில்களில் வழங்க தடை விதித்து பெட்ரோலிய வணிகர் சங்கம் அறிவித்துள்ளது.