ராமேஸ்வரத்தில் இருந்து நேற்று(பிப்..12) 500க்கும் மேற்பட்ட விசைப் படகுகளில் சென்ற 2,000க்கும் அதிகமான மீனவர்கள் தனுஷ் கோடி- தலைமன்னார் இடையே மீன்பிடித்துக் கொண்டிருந்தனர். அப்போது அங்கு இலங்கை கடற்படையினர் வந்துள்ளனர். இதையடுத்து இலங்கை கடற்படையினர் ராமேசுவரத்தைச் சேர்ந்த 2 பேர் விசைப்படகுகளில் இருந்த 12 மீனவர்களை எல்லை தாண்டி மீன் பிடித்ததாக கூறி நள்ளிரவில் கைது செய்தனர்.
அதன்பின் தலைமன்னார் கடற்படை முகாமுக்கு சென்று விசாரணை மேற்கொண்டு வருவதாக கூறப்படுகிறது. அதுமட்டுமல்லாமல் அவர்களின் படகுகளையும் பறிமுதல் செய்தனர். தொடர்ந்து இதுபோன்ற சம்பவங்கள் நடைபெற்று வரும் நிலையில், இலங்கை கடற்படையால் தமிழக மீனவர்கள் மீண்டும் மீண்டும் தாக்கப்படுவதை தடுக்ககோரி பிரதமர் மோடிக்கு முதல்வர் மு.க.ஸ்டாலின் கடிதம் எழுதியுள்ளார்.