தமிழக சட்டமன்ற தேர்தலில் தர்மபுரி பாப்பிரெட்டி பகுதியில் டிடிவி தினகரன் போட்டியிட விருப்ப மனு தாக்கல் செய்துள்ளார்.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது.அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது.
இதற்கு மத்தியில் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாக அதிமுக பல்வேறு நலத் திட்டங்களை மக்களுக்கு அறிவித்து வருகிறது. மேலும் கூட்டணி குறித்த குழப்பம் நிலவி வருகிறது. அதில் அதிமுக 23 தொகுதிகளை பாமக கட்சிக்கு ஒதுக்கியுள்ளது. மேலும் பாஜக தொகுதி பங்கீடு பற்றி ஆலோசனை நடந்து கொண்டிருக்கிறது.
இந்நிலையில் தர்மபுரி பாப்பிரெட்டி தொகுதியில் டிடிவி தினகரன் போட்டியிட விருப்ப மனு தாக்கல் செய்துள்ளார். டிடிவி தினகரன் ஆண்டிபட்டி அல்லது தஞ்சை பகுதியில் போட்டியிடுவார் என்று எதிர்பார்க்கப்பட்ட நிலையில் திடீர் திருப்பமாக பாப்பிரெட்டி தொகுதியில் போட்டியிட விருப்ப மனு தாக்கல் செய்துள்ளார்.