பிரபல இயக்குனரும் நடிகருமான ஜி.எம்.குமார் உடல்நலக் குறைவு காரணமாக சென்னையில் உள்ள தனியார் மருத்துவமனையில் திடீரென அனுமதிக்கப்பட்டுள்ளார்.அவன் இவன் படத்தில் முக்கிய கதாபாத்திரத்தில் நடித்த இவர் 1986 ஆம் ஆண்டு பிரபு மற்றும் பல்லவி நடிப்பில் வெளியான அறுவடை நாள் படத்தின் மூலம் இயக்குனராக அறிமுகமானார்.
அதன் பிறகு பிக்பாக்கெட்,இரும்பு பூக்கள் மற்றும் உருவம் உள்ளிட்ட படங்களை இவர் இயக்கியுள்ளார். வெயில்,மாயாண்டி குடும்பத்தார் மற்றும் அவன் இவன் போன்ற படங்களிலும் இவரது நடிப்பு மிகவும் பாராட்டப்பட்டது. இவர் திடீரென ஏற்பட்ட உடல்நலக் குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.ஐ சி யு பிரிவில் அவருக்கு மருத்துவர்கள் தீவிர சிகிச்சை அளித்து வருகிறார்கள். சிகிச்சை குறித்த மருத்துவ அறிக்கை இன்னும் வெளியாகவில்லை.