ரஷ்யா-உக்ரைன் நாடுகளிடையே கிரீமியா தொடர்பாக பல ஆண்டுகளாக எல்லை பிரச்சனை நீடித்து வருகிறது. மேலும் ரஷ்யா தனது நாட்டு படைகளை உக்ரைனின் எல்லையில் குவித்து அச்சுறுத்தி வந்தது. ரஷ்யாவின் இந்த நடவடிக்கைக்கு அமெரிக்கா உள்ளிட்ட பல நாடுகளும் எதிர்ப்பு தெரிவித்து வந்தனர்.
இந்த நிலையில் ரஷ்ய அதிபர் புடின் உக்ரைன் மீது தாக்குதல் நடத்த உத்தரவிட்டுள்ளார். அதன்படி உக்ரைனின் தலைநகரான கீவ்வில் இராணுவப் படைகள் குண்டு மழை பொழிய தொடங்கியுள்ளன. மற்றொரு பக்கம் உக்ரைனில் உள்ள டோனட்ஸ்க்கையும் ரஷ்ய படைகள் தாக்க தொடங்கியுள்ளன. அதோடு மட்டுமில்லாமல் ரஷ்ய படைகளை மறிப்பவர்கள் மீது பதில் தாக்குதல் நடத்தவும் ரஷ்ய அதிபர் புடின் உத்தரவிட்டுள்ளார்.
இந்நிலையில் உக்ரைன்-ரஷ்யா இடையே நடந்து வரும் போர் காரணமாக ரஷ்யாவின் நாணயமான ரூபிளின் மதிப்பு 10 சதவீதம் சரிந்துள்ளது. ஏற்கனவே மேற்கத்திய நாடுகளின் கடன் மூலம் நிதி திரட்ட ரஷ்யாவுக்கு தடைவிதிக்கப்பட்டுள்ளது. அதோடு மட்டுமில்லாமல் பிரிட்டன், ஆஸ்திரேலியா, ஜப்பான், கனடா உள்ளிட்ட நாடுகளும் ரஷ்யா மீது பல்வேறு தடைகளை விதித்துள்ளது. இந்நிலையில் உக்ரைன் மீது தாக்குதல் நடத்தி வருவதால் ரஷ்யாவின் நாணயமான ரூபிள் மதிப்பு 10% வரை சரிந்துள்ளது.