தமிழகம் முழுவதும் உள்ள நியாய விலை கடைகளில் 2.19 கோடி குடும்ப அட்டைதாரர்கள் குறைந்த விலையில் மளிகை பொருட்களை பெற்று பயனடைந்து வருகின்றனர். இந்த நிலையில் தமிழக முதல்வர் மு.க ஸ்டாலின் ஆட்சி பொறுப்பேற்ற பின்னர் தமிழக பட்ஜெட் கூட்டத் தொடரில் பல்வேறு முக்கிய அறிவிப்புகள் வெளியாகின. அதன்படி வேளாண் பட்ஜெட் தாக்கலின்போது விவசாயத்துறை அமைச்சர் எம்.ஆர்.கே பன்னீர்செல்வம் பனைவெல்லம் ரேஷன் கடைகளில் விற்க ஏற்பாடு செய்யப்படும் என்று அறிவித்தார்.
இதுகுறித்து தமிழக அரசும் அரசாணை வெளியிட்டது. இந்த நிலையில் இன்று நியாயவிலை கடைகளில் கற்பகம் பிராண்ட் பனைவெல்லம் விற்பனையை முதல்வர் முக ஸ்டாலின் தொடங்கி வைத்தார். அதோடு காதி கிராப்ட் பொருட்கள் விற்பனை செய்ய TNKhadi என்ற புதிய செயலியையும் அவர் தொடங்கி வைத்துள்ளார்.