கோவை சூலூர் விமானப்படை தளத்திற்கு இன்று காலை 11.47 மணி அளவில் Mi-17 v5 ரக ஹெலிகாப்டரில் குன்னூர் வெலிங்டன் பயிற்சி மைதானத்திற்கு முப்படை தளபதி பிபின் ராவத், அவரது மனைவி மற்றும் ராணுவ மூத்த உயரதிகாரிகள் உட்பட 14 பேர் சென்றுள்ளனர். அப்போது மதியம் 12.20மணி அளவில் காட்டேரி மலைப்பாதையில் மோசமான வானிலை காரணமாக ஹெலிகாப்டர் கீழே விழுந்து தீப்பற்றி எரிந்து விபத்துக்குள்ளானது.
இந்த விபத்தில் 14 பேரில் 13 பேர் சடலமாக மீட்கப்பட்டுள்ளனர் என்று தகவல் வெளியிடப்பட்டுள்ளது. இந்த விபத்தில் இறந்தவர்கள் உடல்களில் அடையாளம் காண முடியாத அளவுக்கு உள்ளது. இறந்தவர்கள் யார் என்பதை கண்டறிய மரபணு சோதனை நடத்தப்பட உள்ளதாகவும் தகவல் வெளியாகியுள்ளது. பிபின் ராவத் நிலை குறித்த தகவல் வெளியாகவில்லை. அவரது மனைவி இறந்ததாக கூறப்படுகிறது.