சென்னையில் உண்ணாவிரத போராட்டத்தில் ஈடுபட்ட இடைநிலை ஆசிரியர்களின் 164 ஆசிரியர்கள் மயக்கம் அடைந்துள்ளனர்.
இடைநிலை ஆசிரியர்கள் இன்றோடு ஐந்தாவது நாளாக உண்ணாவிரத போராட்டத்தில் ஈடுபட்டு இருக்கிறார்கள். சம வேலைக்கு சம ஊதியம் என்ற ஒற்றை கோரிக்கையை முன்வைத்தும், தேர்தல் அறிக்கையில் 311ஐ நிறைவுறுத்த வலியுறுத்தியும 5 நாட்களுக்கு முன்பு டிபிஐ வளாகத்தில் இந்த போராட்டம் தொடங்கியது. 2000க்கும் மேற்பட்ட இடைநிலை ஆசிரியர்கள், இந்த போராட்டத்தில் பங்கேற்று கோரிக்கையை வலியுறுத்தி உண்ணாவிரத்தில் ஈடுபட்டு இருக்கிறார்கள்.
நேற்று அமைச்சர்களுடன் பேச்சு வார்த்தை நடைபெற்றது. அதற்கு முன்பாக துறை செயலாளரிடம் பேச்சுவார்த்தை நடத்தப்பட்டது. எல்லா பேச்சுவார்த்தைகளும் தோல்வியில் முடிந்ததை தொடர்ந்து இவர்கள் தங்களது கோரிக்கையை முன்னிறுத்தி 5வது நாள் போராட்டம் நடத்திக் கொண்டு இருக்கின்றார்கள். இதுவரை இந்த போராட்டத்தில் ஈடுபட்டவர்களில் 164 நபர்கள் வரை மயக்கமடைந்திருக்கிறார்கள். நாளை புத்தாண்டு கொண்டப்பட கூடிய நிலையில் டிபிஐ வளாகத்தில் ஆசிரியர்கள் தங்களது போராட்டத்தை கைவிடாமல் தொடர்ந்து போராட்டத்தில் ஈடுபட்டு வருகிறார்கள்.