இந்தோனேசியாவிலிருந்து 182 பயணிகளுடன் சென்ற விமானத்தை காணவில்லை என பரபரப்பு தகவல் வெளியாகியுள்ளது.
இந்தோனேசியாவில் இருந்து போண்டியானக் பகுதிக்கு 182 பயணிகளுடன் சென்ற விமானத்தை காணவில்லை என்று சற்றுமுன் பரபரப்பு தகவல் வெளியாகியுள்ளது. தலைநகர் ஜகார்தாவில் இருந்து புறப்பட்ட ஸ்ரீ விஜயா ஏர் என்ற நிறுவனத்திற்கு சொந்தமான போயிங் 737ரகத்தை சேர்ந்த விமானம் பறக்கத் தொடங்கிய 4 நிமிடங்களிலேயே மாயமாகியுள்ளது. 10,000 அடி உயரத்தில் பறந்து கொண்டிருந்த போது விமானம் ரேடாரில் இருந்து மறைந்ததாக தகவல் வெளியாகியுள்ளது.
அதனால் இந்தோனேசியாவில் பெரும் பரபரப்பு ஏற்பட்டுள்ளது. மாயமான விமானத்தை தேடும் பணி தீவிரமாக நடந்து கொண்டிருக்கிறது. அது சென்ற பயணிகளின் நிலைமை என்னவென்று தெரியவில்லை.