தோனி ஓய்வு குறித்து வந்த தகவல் பொய்யானது என்று அவரின் தோனியின் மனைவி சாக்ஷி ட்வீட் செய்துள்ளார்.
இந்திய அணியின் கேப்டன் விராட் கோலி தனது ட்விட்டர் பக்கத்தில் 2016ஆம் ஆண்டு 20 ஓவர் உலக கோப்பையில் ஆஸ்திரேலிய அணிக்கு எதிரான போட்டி குறித்து பதிவிட்டிருந்தார். தோனியுடன், விராத் கோலி வெற்றிக்களிப்பில் இருப்பது போன்ற படத்தையும் பதிவிட்டிருந்தார். விராட் கோலியின் இந்த பதிவு தோனி தன்னுடைய ஓய்வை குறித்த அறிவிப்பை வெளியிட உள்ளார் என்பதை உணர்த்தும் வகையில் இருப்பதாக ரசிகர்கள் வேதனை அடைந்தனர்.
மேலும் இன்று மாலை 7 மணிக்கு செய்தியாளர்களை சந்திக்க இருப்பதாகவும் , அப்போது தனது ஓய்வு முடிவை அவர் அறிவிப்பார் என்றும் செய்திகள் பரவி வந்தன. இந்நிலையில் தோனி ஓய்வு அறிவிப்பு குறித்து எந்த தகவலும் இல்லை என இந்திய அணியின் தேர்வுக்குழு தலைவர் எம்எல் கே பிரசாத் தெரிவித்திருக்கிறார்.இதனால் ரசிகர்கள் நிம்மதி அடைந்துள்ளனர்.
இதே போல தோனி ஓய்வு என்ற வதந்தி வெளியானதும் சமூக வலைதளத்தில் தோனிக்கு ஆதரவாக தங்களது சோகம் கலந்த கருத்தை ரசிகர்கள் பதிவிட்டனர். இதனால் #Dhoni என்ற ஹாஷ்டாக் இந்தியளவில் ட்ரெண்டாகி வந்தது. இதை தொடர்ந்து தோனியின் மனைவி சாக்ஷி தோனி ஓய்வு என்று வந்த செய்தி பொய் என்று ட்வீட் செய்துள்ளார். இதையும் ரசிகர்கள் ட்ரெண்ட் செய்து வருகின்றனர்.
Its called rumours !
— Sakshi Singh 🇮🇳❤️ (@SaakshiSRawat) September 12, 2019