அங்கீகாரமற்ற ஆப் மூலமாக மக்கள் கடன் வாங்க வேண்டாம் என்று ரிசர்வ் வங்கி அறிவிப்பை வெளியிட்டுள்ளது.
இன்றைய காலகட்டத்தில் மக்கள் எங்கு கடன் கிடைத்தாலும் வாங்கும் நிலைக்கு தள்ளப்பட்டுள்ளனர். இதை சாதகமாக பயன்படுத்தி சில நிறுவனங்கள் மக்களை ஏமாற்றி வருகின்றன. குறுகிய காலத்தில் கடன் கிடைப்பதாக கருதி அங்கீகாரம் இல்லாத ஆப்கள் மூலம் மக்கள் கடன் வாங்க வேண்டாம் என ரிசர்வ் வங்கி அறிவித்துள்ளது. ஆப் மூலமாக கடன் வழங்கும் நிறுவனங்கள் குறித்து பொதுமக்கள் எச்சரிக்கையாக இருக்க வேண்டும் என்றும் கூறியுள்ளது.
மேலும் கடன் வழங்க அங்கீகரிக்கப்பட்ட நிறுவனங்கள் தொடர்பான விவரங்களை ஆர்பிஐ இணையதளத்தில் அறியலாம். அங்கீகாரமற்ற கடன் செயலிகள் குறித்து காவல் துறையிலோ அல்லது sachet. rbi.org.in என்ற இணையதளத்தில் புகார் அளிக்கலாம் என்றும் தெரிவித்துள்ளது.