தமிழக காங்கிரசின் பிரபல பெண் தலைவரான டி.யசோதா உடல்நலக்குறைவால் காலமானார்.
தமிழக காங்கிரஸ் கட்சியின் மூத்த தலைவரும், முன்னாள் எம்எல்ஏவுமான யசோதா சற்றுமுன் காலமானார். இவர் காங்கிரஸ் கட்சியின் முக்கிய தலைவர்களில் ஒருவர் ஆவார். மேலும் இவர் கட்சியில் உயர்ந்த தலைவர்களின் நன்மதிப்பையும் அன்பையும் பெற்றவர். இந்நிலையில் உடல்நலக்குறைவால் ராஜீவ்காந்தி மருத்துவமனையில் அனுமதிக்கப்பட்டிருந்த நிலையில் சிகிச்சை பலன் அளிக்காமல் உயிரிழந்துள்ளார்.
1980, 1984, 2001, 2006 இல் நடந்த சட்டமன்ற தேர்தலில் ஸ்ரீபெரும்புதூர் தொகுதியில் காங்கிரஸ் சார்பில் போட்டியிட்டு எம்எல்ஏவாக தேர்வானவர். 2001இல் காங்கிரஸ் கட்சியின் சட்டமன்ற தலைவராக தேர்வு செய்யப்பட்டவர். இவரது மறைவுக்கு ஈவிகேஎஸ் இளங்கோவன், மாணிக்கம் தாகூர் எம்பி உள்ளிட்ட தலைவர்கள் இரங்கல் தெரிவித்து வருகின்றனர்.