குடியுரிமை சட்டதிருத்தத்திற்கு எதிராக திமுக தலைமையில் கூட்டணி கட்சி சார்பில் சென்னை எழும்பூரில் பேரணி நடைபெற்றது. இதில் கிட்டத்தட்ட 8 ஆயிரத்துக்கும் மேற்பட்டோர் பங்கேற்றதாக காவல்துறை தரப்பில் தெரிவிக்கப்பட்டிருக்கிறது.இதன் தொடர்ச்சியாக இந்த பேரணிக்கு முழுமையாக அனுமதி அளிக்கப்படவில்லை என்று எழும்பூர் போலீசார் பேரணியில் பங்கேற்ற 8,000 பேர் மீது வழக்கு பதிவு செய்து இருக்கிறார்கள்.
திமுக தலைவர் மு க ஸ்டாலின், முன்னாள் மத்திய அமைச்சர் ப.சிதம்பரம் , கூட்டணி கட்சி தலைவர்கள் என 8 ஆயிரம் பேர் மீது 3 பிரிவுகளின் கீழ் வழக்கு பதிவு செய்யப்பட்டிருக்கிறது. இந்திய தண்டனை கீழ் சட்டவிரோதமாக கூடுதல் பிரிவு 143 , பிரிவு 188 அரசு உத்தரவை மதிக்காதது , பிரிவு 341 அத்துமீறி நடந்து கொள்ளுதல் ஆகிய 3 பிரிவுகளில் கீழ் வழக்கு பதிவு செய்யப்பட்டு இருப்பதாக காவல்துறை தரப்பில் தெரிவிக்கப்பட்டுள்ளது.