நாடு முழுவதும் கொரோனா நோய்த்தொற்று தொடர்பான சந்தேகங்களுக்கு 6 மணி முதல் இரவு 12 மணி வரை இந்த எண்ணை தொடர்பு கொள்ளலாம் என்று ஆயுஸ் அமைச்சகம் அறிவித்துள்ளது.
இந்தியாவில் நாளுக்கு நாள் கொரோனா தொற்றின் இரண்டாம் அலை தீவிரமாக பரவி வருகிறது. இவற்றை கட்டுக்குள் கொண்டு வருவதற்கு மத்திய மாநில அரசுகள் பல்வேறு முயற்சிகளை மேற்கொண்டு வருகின்றன. பல மாநிலங்களில் இரவு நேர ஊரடங்கு அமல்படுத்தப்பட்டு உள்ளது. பல மருத்துவமனைகளில் படுக்கை வசதி இல்லாத காரணத்தினால் மக்கள் பலர் வீட்டிலேயே தனிமைப்படுத்திக் கொண்டுள்ளனர்.
அவர்களுக்கு கொரோனா நோய்த்தொற்று தொடர்பான சந்தேகங்களை தீர்த்து வைப்பதற்கு கட்டணமில்லா உதவி எண் அறிமுகம் செய்யப்பட்டுள்ளது. அதன்படி 14443 என்ற கட்டணமில்லா எண்ணில் காலை 6 மணிமுதல் இரவு 12 மணிவரை தொடர்பு கொண்டு தங்களது சந்தேகங்களை தீர்த்துக்கொள்ளலாம் என ஆயுஷ் அமைச்சகம் தெரிவித்துள்ளது.