துப்பாக்கியால் சுடப்பட்ட பாலிடெக்னிக் மாணவர் முகேஷ் சிகிச்சை பலனளிக்காமல் உயிரிழந்துள்ளார்.
காஞ்சிபுரம் மாவட்டம் வேங்கடமங்கலம் பகுதியில் வசித்து வருபவர் விஜய். இன்று வீட்டிற்கு பாலிடெக்னிக் மாணவர் முகேஷ் சென்றுள்ளார். இருவரும் நண்பர்கள் என்பதால் வீட்டில் இருந்து இரண்டு பேரும் பேசிக் கொண்டிருந்தார்கள். அப்போது திடீரென்று வீட்டில் இருந்து துப்பாக்கி சத்தம் கேட்டு உடனடியாக அங்கிருந்தவர்கள் வீட்டுக்குள் சென்று பார்த்த போது முகேஷ் தலையில் குண்டு காயத்துடன் உயிருக்கு போராடிய நிலையில் இருந்தார்.
பின்னர் முகேஷை அங்கிருக்கக்கூடிய தனியார் மருத்துவமனைக்கு சிகிச்சைக்காக கொண்டு சென்றனர் இதையடுத்து குரோம்பேட்டை மருத்துவமனைக்கு கொண்டு சென்றனர். பின்னர் மேல் சிகிச்சைக்காக சென்னை ராஜீவ்காந்தி அரசு மருத்துவமனைக்கு கொண்டு சென்றனர். அப்போது முகேஷ் சிகிச்சை பலனளிக்காமல் உயிரிழந்ததாக காவல்துறையினர் தெரிவித்துள்ளனர்.